دوشنبه – ۱۰ تیر – ۱۳۹۸ , 01 – 07 – 2019
به پێی ڕاپۆرته‌كان، بەشێک لە دەرچووە یەکەمەکانى زانکۆ و پەیمانگاکان بۆ جارێکى دیکە له دژى دانەمەزراندنیان لە سلێمانى كۆبوونه‌وه.
ڕۆژی دووشه‌ممه ١٠ی مانگی پووشپه‌ڕ، ژمارەیەک لە دەرچووانى یەکەم و دووەم و سێیەمى زانکۆ و پەیمانگاکان بۆ ساڵەکانى ٢٠١٦ و ٢٠١٧ و ٢٠١٨ لە سلێمانى ده‌ستیان دایه كۆبوونه‌وه و خوازیاری دامەزراندنیان بوون. شایانی باسه، ناڕازییان ئاماژەیان بەوەکردووه كه لە ئەگەری دانەمەزراندنیان هەڵوێستى دیکەیان دەبێت و مانگرتنى سەرتاسەریی رادەگەیەنن. ئەمه لەکاتێکدایه كه هه‌تا ئێستا چەندینجار خوێندکارە یەکەمەکانى زانکۆ و پەیمانگاکان كۆبوونه‌وه‌ی ناڕه‌زایه‌تییان به‌ڕێوه‌بردووه و داوای دامەزراندنیان کردووە، بەڵام تائێستا وەڵامى داواکانیان نەدراوەتەوە.