ڕۆژی یه‌كشه‌ممه ٨ی مانگی گه‌لاوێژ، دانیشتووانی گوندی “ئاق ده‌ڕه”ی تیكاب له ئاست گه‌نده‌ڵی و تاڵانكردنی كانگای زێڕی ئه‌و گونده له‌لایه‌ن ڕژیمه‌وه ناڕه‌زایه‌تیان ده‌ربڕی و له‌گه‌ڵ هێزه‌كانی ڕژیم تێكهه‌ڵچوون.
به‌پێی ڕاپۆرته‌كان، كار و چالاكییه‌كانی كانگای “ئاق ده‌ڕه”ی تیكاب به قه‌رارگای خاته‌می سپای پاسداران سپێردراوه و له ماوه‌ی چه‌ند ساڵی ڕابردوو یه‌ك دانیشتووی ئه‌و گونده له‌و مه‌عده‌نه دانه‌مه‌زراوه، هه‌روه‌ها سه‌ره‌ڕای داهاتی زۆری ڕژیم له‌و مه‌عده‌نه، هیچ ئیمكاناتێكی ڕیفاهی، بێهداشتی و ده‌رمانی بۆ خه‌ڵكی ناوچه‌كه دابین نه‌كراوه. ڕۆژی ڕابردوو دانیشتووانی ئاق ده‌ڕه له ئاست تاڵانكردنی سه‌روه‌ت و سامانی ناوچه‌كه ناڕه‌زایه‌تیان ده‌ربڕی به‌ڵام، هێزه‌كانی ڕژیم ته‌قه‌یان به‌سه‌ریان دا كرد و سێ كه‌س به ناوه‌كانی “ناسر به‌هرامیان”، “حۆجه‌ت مومن زاده” و “ئارمین نیك زاده” بریندار و ڕاگوێزی نه‌خۆشخانه‌كانی زه‌نجان و ورمێ كران. به‌وته‌ی هاووڵاتیان، هێڵی ئینته‌رنێت له‌لایه‌ن ڕژیمه‌وه پچڕاوه و ٤٢ كه‌س ده‌ستبه‌سه‌ر كراون.