ڕۆژی یه‌كشه‌ممه ٦ی مانگی خه‌رمانان، دانیشتووانی شارۆچكه‌ی “ئاساوڵه”ی سنه له‌ئاست قه‌تعی به‌رده‌وامی ئاو كۆبوونه‌وه و ناڕه‌زایه‌تییان ده‌ربڕی.
به‌وته‌ی خه‌ڵكی ناڕازی، له حاڵێكدا به‌رپرسانی ئوستان بیانووی وشكه‌ساڵی و كه‌م ئاوی بۆ خه‌ڵك دێننه‌وه، له زۆر گه‌ڕه‌ك ئاوی لووله‌كه‌شی به‌هۆی كۆنبوونی سیستمه‌كان به‌فیڕۆ ده‌چێت و هه‌ر چه‌ند په‌یوه‌ندی به ئیداره‌ی ئاوه‌وه ده‌گرین وڵام ناده‌نه‌وه. ماوه‌ی دوو ڕۆژه دانیشتووانی شارۆچكه‌ی ئاساوڵه ئاویان به ته‌واوه‌تی بڕاوه و هیچ به‌رپرسێك وڵامی داواكارییه‌كان نا‌دا‌ته‌وه. جێگای ئاماژه‌یه كه شارۆچكه‌ی ئاساوڵه له حاشیه‌ی شاری سنه هه‌ڵكه‌وتووه و دانیشتووانه‌كه‌ی كرێكار و له ژێر هێڵی هه‌ژاریدا ده‌ژین و له ئیمكاناتی ڕیفاهی بێبه‌شن.