ڕۆژی هه‌ینی ٢٩ی به‌فرانبار، ژینگه‌پارێزانی پیرانشار، ئه‌ندامانی سه‌وزی چیای مه‌ریوان، چالاكانی مه‌ده‌نی شاره‌كانی مهاباد، بۆكان و نوێنه‌رانی گرووپه شاخه‌وانییه‌كانی كوردستان، له‌سه‌ر كێوی سۆڵتان یاقووبی نه‌غه‌ده كۆبوونه‌وه و ڕێزیان له یادی شاخه‌وانانی گیانبه‌ختكردوو گرت.
به‌پێی زانیارییه‌كان، به‌شداربووانی ئه‌و چالاكییه، سه‌ره‌تا له‌سه‌ر مه‌زاری “محه‌ممه‌د ئه‌وراز” كۆبوونه‌وه و ڕێزیان له بیره‌وه‌رییه‌كانی گرت، دواجار پێكه‌وه له‌سه‌ر مه‌زاری سێ شاخه‌وانی گیانبه‌ختكردووی چیای ڕندۆڵه كۆبوونه‌وه و په‌یمانیان له‌گه‌ڵ ئاواته‌كانیان بۆ پاراستنی ژینگه نوێ كرده‌وه.