ڕۆژی چوارشه‌ممه ١٦ی ڕه‌شه‌مه، په‌ره‌ستاران و كادری ده‌رمانی نه‌خۆشخانه‌كانی كه‌ره‌ج له ناڕه‌زایه‌تی به دۆخی خراپی پیشه‌یی و مه‌عیشه‌تی كۆبوونه‌وه.
به‌پێی ڕاپۆرته‌كان، په‌ره‌ستاران و كادری ده‌رمانی نه‌خۆشخانه‌كانی كه‌ره‌ج هاوشێوه‌ی هاوكاره‌كانیان له شاره‌كانی كرماشان، تاران، یه‌زد، ئه‌هواز، شیراز و كه‌هنووج له ئاست بایه‌خ نه‌دانی به‌رپرسانی ڕژیم به كێشه و گرفته‌كانیان ناڕه‌زایه‌تیان ده‌ربڕیوه. په‌ره‌ستاران خوازیاری چوونه‌سه‌ره‌وه‌ی ئاستی حه‌قده‌ست و مه‌زایا، ته‌زمینی ئه‌منیه‌تی پیشه‌یی، زیادكردنی ته‌عرفه‌ی په‌ره‌ستاری، پێدانی ئێزافه كاری، كه‌مكردنه‌وه‌ی ساعه‌تی كار، دامه‌زراندنی هێزی كاری تازه، ڕێگری له كۆچكردنی كادری دره‌مان بۆ ده‌ره‌وه‌ی وڵات و چاكسازی له ژێان و مه‌عیشه‌تیان بوون.