به‌پێی هه‌واڵی گه‌یشتوو، ڕۆژی دووشه‌ممه ٢٢ی مانگی ڕه‌شه‌مه، كۆمه‌ڵێك له لاوانی شۆڕشگێڕی سنه به كۆبوونه‌وه له‌سه‌ر گڵكۆی گیانبه‌ختكردووانی ڕێگای ئازادی و به‌رابه‌ری له به‌هه‌شت محه‌ممدی، به‌ڵێنیان دا درێژه‌ده‌ری ڕێگای پڕ له شانازیان بن.
به‌پێی ئه‌و گرته ویدیۆیانه‌ی به ده‌ستمان گه‌یشتووه، لاوانی شۆڕشگێڕی سنه به كۆبوونه‌وه له‌سه‌ر گڵكۆی گیانبه‌ختكردووانی ڕێگای ئازادی و به‌رابه‌ری له به‌هه‌شت محه‌ممه‌دی، وێڕای ڕێزلێنان له یاد و بیره‌وه‌ری ئه‌و ئازیزانه، به‌ڵێنیان داوه به‌ده‌م بانگه‌وازه‌كه‌ی ڕۆژی ٢٥ی ڕه‌شه‌مه‌وه بچن و وێڕای پشتیوانی كردن له بنه‌ماڵه‌كانیان درێژه‌ده‌ری ڕێگای پڕ له شانازیان بن.