ڕۆژی شه‌ممه ١٩ی جۆزه‌ردان، كوردانی دانیشتووی ئاڵمان له كۆبوونه‌وه‌یه‌كی ناڕه‌زایه‌تی دا، سه‌ركوتی وه‌حشیانه‌ی كوردانی باكووری كوردستانیان له‌لایه‌ن ده‌وڵه‌تی فاشیستی توركیاوه مه‌حكووم كرد.
به‌پێی ڕاپۆرته‌كان، كوردانی ئاڵمان له ڕۆژی هه‌ینیه‌وه له شاره‌كانی ساربروكن و درێسدن بۆ پشتیوانی له خه‌ڵكی جووله‌مێرگ، ئامد و وان ڕژاونه‌ته سه‌ر شه‌قام و داوا ده‌كه‌ن كۆمه‌ڵگای جیهانی له ئاست پێشێلكارییه‌كانی ده‌وڵه‌تی توركیا بێده‌نگ نه‌مێنێت. شایانی باسه كه ده‌وڵه‌تی ئه‌ردۆغان سزای ١٩ ساڵ زیندانی به‌سه‌ر شاره‌داری هه‌ڵبژێردراوی ده‌م پارتی له شاری جووله‌مێرگ دا سه‌پاندووه و هه‌موو كارمه‌نده‌كانی شاره‌داری ئه‌و شاره‌ی له‌سه‌ر كار ده‌ركردووه. دانانی قه‌یووم له جێگه‌ی ئه‌و شاره‌داره، ناڕه‌زایه‌تی به‌رینی كوردانی باكووری كوردستانی لێكه‌وتووه‌ته‌وه و تا به ئه‌مڕۆ چه‌ندین كه‌س ده‌ستبه‌سه‌ر كراون.