ڕۆژی سێشه‌ممه ٢٧ی سه‌رماوه‌ز، كرێكارانی كارخانه‌ی مسی درالوو له شارستانی ڕابه‌ری سه‌ر به پارێزگای كرمان دژ به ناڕوونی چاره‌نووسی پیشه‌ییان كۆبوونه‌وه.
به وته‌ی كرێكارانی ناڕازی، ١٣٠ كارگه‌ری ئه‌و كارخانه له‌گه‌ڵ ته‌واوبوونی به‌شێك له پڕۆژه‌كه و نه‌بوونی سه‌رچاوه‌ی دارایی له‌سه‌ر كار ده‌ركراون. مانگی ڕه‌زبه‌ری ئه‌مساڵ كارخانه سه‌ر له نوێ ده‌ستی به كار كردووه و كرێكارانی بێكاركراو به پێنج بۆ ١٢ ساڵ پێشینه‌ی كاریی بیلاته‌كلیف ماونه‌ته‌وه. كرێكارانی ناڕازی داوای گه‌ڕانه‌وه بۆ سه‌ر كار و پێدانی داخوازییه‌كانیان ده‌كه‌ن.