ڕۆژی سێشه‌ممه ٢٧ی سه‌رماوه‌ز، كرێكارانی شاغڵ له شارۆچكه‌ی سه‌نعه‌تی گولگوون بۆ دووهه‌مین ڕۆژی به‌رده‌وام دژ به بڕینی به‌رده‌وامی كاره‌با خۆپێشاندانیان كرد.
به پێی زانیارییه‌كان، ده‌وڵه‌تی پزیشكیان به بیانووی نه‌بوونی سووته‌مه‌نی و كاره‌با ڕۆژی سێشه‌ممه‌شی له زۆربه‌ی پارێزگاكانی ئێران ڕۆژی پشوودان ڕاگه‌یاندووه. به‌و بۆنه‌وه به‌رقی كارگه و شارۆچكه سه‌نعه‌تییه‌كانیان بڕیوه و كرێكارانی شارۆچكه‌ی سه‌نعه‌تی گولگوون ڕۆژی ڕابردوو بۆ دووهه‌مین ڕۆژی به‌رده‌وام شه‌قامه‌كانیان داخست و كۆبوونه‌وه. به وته‌ی چالاكانی مه‌ده‌نی تاران، ڕۆژی ڕابردوو خۆپێشانده‌رێك به ناوی مێهدی جه‌هانگیری له‌لایه‌ن پۆلیسه‌وه ده‌ستبه‌سه‌ر كراوه.