ڕۆژی شه‌ممه ٢١ی مانگی ڕه‌شه‌ممه، كۆمه‌ڵێك له كارمه‌ندانی ئیداره‌ی “جیهادی كه‌شاوه‌رزی” شاره‌كانی مه‌هاباد و سۆنقور، له ناڕه‌زایه‌تی به خراپی باروودۆخی ژیان و نادادپه‌روه‌ری له په‌رداختی حقووق و مه‌زایا، هه‌روه‌ها ناڕه‌زایه‌تی له ئاست گرانی و هه‌ڵاوسان كۆبوونه‌وه.
به‌شداربووانی ئه‌و كۆبوونه‌وه به به‌ده‌سته‌وه گرتنی پلاكارد و وتنه‌وه‌ی دروشم له‌به‌رده‌م ئیداره‌ی جیهادی كه‌شاورزی شاره‌كانیان، ناڕه‌زایه‌تی خۆیان له ئاست بڕیاره‌كانی ده‌وڵه‌ت و ڕه‌تكردنه‌وه‌ی گه‌ڵاڵه‌ی “ئاسانكاری بۆ په‌رداختی تایبه‌تمه‌ندی” كارمه‌ندانی ئه‌و ڕێكخراوه‌یه ده‌ربڕی و خوازیاری سه‌ره‌نجدانی به‌رپرسانی ڕژیم به دۆخی خراپی ژیانی كارمه‌ندان بوون.