ڕۆژی دووشه‌ممه ١٥ی مانگی ڕه‌شه‌مه، خانه‌نشینكراوانی موخابرات له چه‌ندین ئوستانی ئێران دژبه جێبه‌جێ نه‌كرانی داخوازییه‌كانیان له‌به‌رده‌م شیركه‌تی موخابرات كۆبوونه‌وه.
به‌پێی ڕاپۆرته‌كان، خانه‌نشینكراوانی موخابرات له ئوستانه‌كانی كرماشان، ئیلام، كوردستان، یه‌زد، ئازه‌ربایجانی غه‌ربی و شه‌رقی، خۆراسانی ڕه‌زه‌وی، ئیسفه‌هان، تاران و ئه‌لبورز له‌ناڕه‌زایه‌تی به خراپی دۆخی ژیانیان كۆبوونه‌وه. خانه‌نشینكراوانی موخابرات خوازیاری چوونه‌سه‌ره‌وه‌ی ئاستی حه‌قه‌ست و مه‌زایا، به‌كرده‌وه ده‌رهاتنی گه‌ڵاڵه‌ی هاوسانسازی و دابینكردنی بیمه‌ی ته‌كمیلی بوون.