ڕۆژی پێنجشه‌ممه ١١ی مانگی جۆزه‌ردان، زەرەرمەندانی بانكی ئایندە دوای ئەنجامدانی كۆبوونه‌وه‌ی ناڕەزایەتی، لەلایەن مه‌ئموورانی بانکەوە هێرشیان کرایە سەر و چه‌ند كه‌س بریندار بوون.
به‌پێی ڕاپۆرته‌كان، زه‌ره‌رمه‌ندانی بانكی ئایه‌نده خوازیاری ئازادكردنی داراییه بلۆك كراوه‌كان و قه‌ره‌بووكردنه‌وه‌ی زیانه‌كانیان بوون به‌ڵام، مه‌ئموورانی ئه‌منیه‌تی بانك هێرشیان كرده سه‌ر ناڕازیان و چه‌ند كه‌س بریندار بوون. به‌وته‌ی ناڕازیان، بەهای سه‌هامه‌كانیان لە سێ هەزار تمەنەوە بۆ کەمتر لە هەزار تمەن دابەزیوە و خاوەن پشکەکانیش تا ئێستا لە دۆخی بیلاته‌كلیفی دا ماونه‌ته‌وه و داوای قه‌ره‌بووكردنه‌وه‌ی زیانه‌كانیان ده‌كه‌ن.