ڕۆژی چوارشه‌ممه ٦ی مانگی گوڵان، دایكانی شۆڕشی “ژینا” له‌سه‌ر گڵكۆی “شه‌هریار محه‌ممه‌دی” له گیانبه‌ختكردووانی ڕێگای ئازادی بۆكان كۆبوونه‌وه و ڕێزیان له فیداكاریی قوربانیانی سه‌ركوتی خوێناوی كۆماری ئیسلامی گرت.
به‌پێی زانیارییه‌كان، دایكانی شۆڕشی “ژینا” له شاری بۆكان ڕۆژی ڕابردوو به كۆبوونه‌وه له‌سه‌ر گڵكۆی “شه‌هریار محه‌ممه‌دی” و گیانبه‌ختكردووانی دیكه‌ی ڕێگای ئازادی به دانانی گوڵی سوور له‌سه‌ر مه‌زاره‌كانیان وێڕای ڕێزلێنان له فیداكارییه‌كانیان، په‌یمانیان له‌گه‌ڵ ئاواته‌كانیانی نوێ كرده‌وه.