ڕۆژی دووشه‌ممه 23ی ڕه‌زبه‌ری ١٤٠٣، خانه‌نشینكراوانی مۆخابرات له شاره‌كانی كوردستان و ئێران به پێی ڕه‌واڵی دووشه‌ممه‌ی هه‌ر حه‌فته دژبه دۆخی خراپی مه‌عیشه‌تی كۆبوونه‌وه.
به‌پێی ئه‌و ویدیۆیانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، خانه‌نشینكراوان له شاره‌كانی سنه، كرماشان، مه‌ریوان، بیجاڕ، ورمێ، ئیلام، ڕه‌شت، تاران، ئه‌هواز، ئیسفه‌هان، ته‌ورێز، ئه‌رده‌بیل، ئه‌راك، به‌نده‌رعه‌باس، خۆڕه‌م ئاوا، برووجێرد و چه‌ند شاری دیكه له به‌رده‌م ئه‌و ڕێكخراوه‌یه كۆبوونه‌ته‌وه. خانه‌نشینكراوان به وتنه‌وه‌ی دروشم خوازیاری زیادكردنی حه‌قده‌ست، دابینكردنی بیمه‌ی ده‌رمانی كارامه، پێدانی مه‌زایا بڕاوه‌كان و هاوسانسازی حه‌قده‌ست بوون.