ڕۆژی سێشه‌ممه ٣ی ڕێبه‌ندانی ١٤٠٢، خانه‌نشینكراوانی سه‌نعه‌تی فولاد له شاره‌كانی ئیسفه‌هان، دامغان، تاران و قائیمشاری مازه‌نده‌ران له ناڕه‌زایه‌تی به جێبه‌جێ نه‌كردنی داخوازییه‌كانیان كۆبوونه‌وه.
خانه‌نشینكراوانی سه‌نعه‌تی فولاد هاوكات له‌گه‌ڵ خانه‌نشینكراوانی به‌شه‌كانی دیكه‌ی كۆمه‌ڵگا له‌به‌رده‌م سندووقی خانه‌نشینی كرێكارانی سه‌نعه‌تی فولاد كۆبوونه‌ته‌وه. خانه‌نشینكراوانی فولاد خوزیاری زیادكردنی حه‌قده‌ست و مه‌زایا به‌پێی هێڵی هه‌ژاری، دابینكردنی بیمه‌ی ده‌رمانی كارامه، به‌كرده‌وه‌ده‌رهاتنی گه‌ڵاڵه‌ی یه‌كسانسازی و هه‌ڵوه‌شاندنه‌وه‌ی بڕیاری ده‌وڵه‌ت بۆ تێكه‌ڵكردنی سندووقه‌كانی خانه‌نشینی بوون.