کۆمەڵە_رێكخراوی كوردستانی حیزبی كۆمونیستی ئیران
ئێرانهه‌واڵه‌کان

كۆبوونه‌وه‌ی به‌هێزی كرێكاران له‌ پاڵاوگه‌كانی گازی پارسی جنووبی

كۆبوونه‌وه‌ی به‌هێزی كرێكاران له‌ پاڵاوگه‌كانی گازی پارسی جنووبی

به‌پێی بانگه‌وازێك كه‌ له‌ ڕۆژانی ڕابردوو بڵاو كرابوو، كرێكارانی شاغڵ له‌ به‌شه‌ جۆراوجۆره‌كانی ناوچه‌ی عه‌مه‌لیاتی پارسی جنووبی، ڕۆژی شه‌ممه‌ ١٦ی به‌فرانبار، له‌ ناڕه‌زایه‌تی به‌ دۆخی خراپی پیشه‌یی و مه‌عیشه‌تی كۆبوونه‌وه‌.

كرێكارانی ناڕازی خوازیاری وه‌لانانی په‌یمانكار، پێداچوونه‌وه‌ به‌ گه‌ڵاڵه‌ی ڕیزبه‌ندی پیشه‌كان و به‌كرده‌وه‌ده‌رهاتنی ئه‌و گه‌ڵاڵه‌یه‌، پێدانی مه‌ره‌خه‌سی دوو به‌ دووی كرێكارانی شاغڵ له‌ به‌شی پشتێوانی و ئیداری، چوونه‌سه‌ره‌وه‌ی ئاستی حه‌قده‌ست و مه‌زایا، پێدانی دوو ڕۆژ مه‌ره‌خه‌سی مانگانه، دابینكردنی ئیمكاناتی ڕیفاهی و بیمه‌ی ده‌رمانی كارامه و ….هه‌تد بوون. شۆرای ڕێكخستنی ناڕه‌زایه‌تی كرێكارانی ئه‌ركان سالس، پشتیوانی خۆی له‌ ته‌واوی شێوه‌كانی ده‌ربڕینی ناڕه‌زایه‌تی هاوكاره‌كانیان ده‌ربڕیوه‌ و ڕایگه‌یاندووه‌ كه‌ به‌شه‌كانی دیكه‌ له‌ پاڵاوگه‌ و پترۆشیمیه‌كانی پارسی جنووبیش به‌و مانگرتنه په‌یوه‌ست ده‌بن.