ڕۆژی پێنجشه‌ممه ١٨ی مانگی خه‌زه‌ڵوه‌ر، بنه‌ماڵه‌ی هه‌میشه زیندوو “فایق مام قادری” هاوكات له‌گه‌ڵ ساڵڕۆژی گیانبه‌ختكردنی ئه‌و هه‌میشه زیندووه له شۆڕشی “ژینا”، له‌سه‌ر مه‌زاری كۆبوونه‌وه و ڕێزیان له بیره‌وه‌رییه‌كانی گرت.
“فایق مام قادری” له ڕه‌وتی شۆڕشی “ژینا” و له مانگی ڕه‌زبه‌ری ١٤٠١، له نزیك ماڵه‌كه‌ی له شاری مهاباد به ته‌قه‌ی هێزه‌كانی ڕژیم به‌سه‌ختی بریندار و پاش ماوه‌یه‌ك به‌سته‌ریبوون له نه‌خۆشخانه، ڕۆژی ١٨ی خه‌زه‌ڵوه‌ری ١٤٠١، گیانی به‌ختكرد. ڕۆژی پێنجشه‌ممه مه‌راسمی ساڵڕۆژی گیانبه‌ختكردنی “فایق مام قادری” به به‌شداری بنه‌ماڵه و كۆمه‌ڵێك له خه‌ڵكی ئازادیخوازی مهاباد به‌ڕێوه‌چوو.