به‌یانی یه‌كشه‌ممه ١٦ی مانگی ڕه‌زبه‌ر، بنه‌ماڵه‌ی هه‌میشه زیندوو “داریووش عه‌لیزاده” له‌سه‌ر گڵكۆی ڕۆڵه‌كه‌یان له گۆڕستانی به‌هه‌شت محه‌ممه‌دی سنه كۆبوونه‌وه و ڕێزیان له بیره‌وه‌رییه‌كانی گرت.
به‌پێی ئه‌و وێنانه‌ی به‌ده‌ستمان گه‌یشتووه، بنه‌ماڵه‌ی “داریووش عه‌لیزاده” گیانبه‌ختكردووی ڕێگای ئازادی و به‌رابه‌ری هاوڕێ له‌گه‌ڵ ژماره‌یه‌ك له خه‌ڵكی ئازادیخوازی سنه له‌سه‌ر مه‌زاری ئه‌و هه‌میشه زیندووه كۆبوونه‌ته‌وه و مه‌زاره‌كه‌یان گوڵباران كردووه. “داریووش عه‌لیزاده” ڕۆژی ١٦ی ڕه‌زبه‌ری ١٤٠١ و له ڕه‌وتی شۆڕشی “ژینا” به ته‌قه‌ی هێزه سه‌ركوتگه‌ره‌كانی ڕژیم له شاری سنه گیانی به‌خت كرد.