ڕۆژی پێنجشه‌ممه ٥ی مانگی گه‌لاوێژ، بنه‌ماڵه‌ی دادخوازانی نه‌وشه‌هر و كۆمه‌ڵێك له خه‌ڵكی ئازادیخواز به كۆبوونه‌وه له‌سه‌ر مه‌زاری “محه‌ممه‌دڕه‌زا بالی لاشه‌ك” له گیانبه‌ختكردووانی شۆڕشی “ژینا” په‌یمانیان له‌گه‌ڵ ئاواته‌كانی نوێ كرده‌وه.
به‌شداربووانی ئه‌و كۆبوونه‌وه به گۆڵباران كردنی مه‌زاری ئه‌و هه‌میشه زیندووه، وێڕای ڕێزگرتن له یاد و بیره‌وه‌رییه‌كانی، په‌یمانیان له‌گه‌ڵ ئاواته‌كانی نوێ كرده‌وه. “محه‌ممه‌دڕه‌زا بالی لاشه‌ك” هاووڵاتی خه‌ڵكی نه‌وشه‌هری مازه‌نده‌ران ڕۆژی ١١ی خه‌زه‌ڵوه‌ری ١٤٠١ و له چله‌ی ماته‌مینی “حه‌مانه كیا”، كاتێكدا هه‌وڵی ئه‌دا ڕێگه له به‌ندكرانی دوو كچ بگرێت، به هۆی لێدان و ئه‌شكنجه‌ی هێزه‌كانی حكوومه‌ت گیانی به‌خت كرد.