ڕۆژی سێشه‌ممه ٣ی ڕێبه‌ندان، ئێرانیانی ئازادیخواز له وڵاتانی ئۆتریش و بلژێك له‌به‌رده‌م باڵوێزخانه‌كانی كۆماری ئیسلامیدا كۆبوونه‌وه و ئێعدامی به‌ندكراوانیان به توندی شه‌رمه‌زار كرد.
به‌پێی زانیارییه‌كان، ئێرانیانی ئازادیخواز پاش له‌سێداره‌دانی “محه‌ممه‌د قوبادلوو” و “فه‌رهاد سه‌لیمی” له‌به‌رده‌م سه‌فاره‌تخانه‌كانی كۆماری ئیسلامی له شاره‌كانی بڕۆكسل و وییه‌ن كۆبوونه‌ته‌وه و خوازیاری ڕاگرتنی سزای ئێعدام و محاكمه‌ی به‌رپرسانی قه‌زایی و ئه‌منیه‌تی كۆماری ئیسلامی بوون. به‌شداربووانی ئه‌و كۆبوونه‌وه دروشمه‌كانی “ژن،ژیان،ئازادی”، “زیندانی سیاسی ئه‌بێ ئازاد بكرێت” و “مه‌رگ بۆ خامنه‌یی”یان به‌رز كرده‌وه.