ڕۆژی هه‌ینی ٦ی گه‌لاوێژ، ئه‌رشه‌ی توركیا له ڕێگه‌ی فڕۆكه‌ی بێفڕۆكه‌وانه‌وه هێرشی كرده سه‌ر دوو ئۆتومبێل له كانتۆنی جزیری ڕۆژئاوای كوردستان و به‌هۆیه‌وه سێ كه‌س گیانیان له ده‌ستدا و دوو كه‌سی دیكه‌ش بریندار بوون.
به‌پێی ڕاپۆرته‌كان، فڕۆكه‌بێفڕۆكه‌وانه‌كانی ده‌وڵه‌تی توركیا دوو ئۆتومبێلیان له نزیك شارۆچكه‌ی ته‌ل مه‌عرووف و ته‌ربه‌سپی كردۆته ئامانج و به‌هۆیه‌وه سێ كه‌س گیانیان له‌ده‌ست داوه و دوو كه‌سی دیكه‌ش بریندار بوون. جێگای ئاماژه‌یه كه ڕۆژی ڕابردوو له هێرشێكی دیكه دا پێنج ئه‌ندامی “یه.په.ژه” له هێرشی هه‌وایی توركیا له شاری عاموودا گیانیان به‌خت كردبوو.