ڕۆژی چوارشه‌ممه ١٠ی مانگی خه‌زه‌ڵوه‌ر، سرویسی هاتووچۆی كرێكارانی كارگه‌یه‌كی سه‌نعه‌تی له ناوچه‌ی عه‌له‌ویجه‌ی سه‌ر به پارێزگای ئیسفه‌هان تووشی ڕووداو بوو و به‌هۆیه‌وه دوو كرێكار گیانیان له‌ده‌ستدا و ١٨ كه‌سی دیكه‌ش بریندار بوون.
به‌وته‌ی برپرسانی ئۆرژانسی ئیسفه‌هان، ڕووداوه‌كه كاتژمێر ٦ و ٢٣ خوله‌كی ئێواره‌ی چوارشه‌ممه ڕوویداوه و سرویسی هاتووچۆی كرێكارانی كارگه‌یه‌كی سه‌نعه‌تی له ناوچه‌ی عه‌له‌ویجه وه‌گه‌ڕاوه و به‌وهۆیه‌وه دوو كرێكاری ژن و پیاو گیانیان له‌ده‌ستدا و ١٨ كرێكاری دیكه‌ش بریندار و ڕه‌وانه‌ی ناوه‌نده ده‌رمانییه‌كان كران.