ڕۆژانی یه‌كشه‌ممه و دووشه‌ممه ١ و ٢ی ڕێبه‌ندان، به‌هۆی دوو ڕووداوی هاتووچۆ له مێحوه‌ره‌كانی سه‌قز- مه‌ریوان و سه‌قز- بۆكان دوو هاووڵاتی گیانیان له‌ده‌ستدا و ٩ كه‌سی دیكه‌ش بریندار بوون.
ڕۆژی یه‌كشه‌ممه به‌هۆی پێكدادنی نێوان دوو ئۆتۆمبێلی سه‌واری پژۆ له جاده‌ی نێوان سه‌قز بۆ مه‌ریوان و نزیك له گونده‌كانی دگاگا و قه‌مچیان، هاووڵاتیه‌ك گیانی له‌ده‌ستدا و ٧ كه‌سی دیكه‌ش بریندار بوون. ڕۆژی دووشه‌ممه له مێحوه‌ری سه‌قز- بۆكان بارهه‌ڵگرێك خۆی كێشا به ئۆتۆمبێلێكی سه‌واری و له ئاكامی ئه‌و ڕووداوه‌دا، شارومه‌ندێك گیانی له‌ده‌ستدا و دوو كه‌سی دیكه‌ش بریندار بوون كه باری ته‌ندرووستیان ناجێگیره.