ڕۆژی سێشه‌ممه ٨ی مانگی خه‌رمانان، له دوو ڕووداوی هاتووچۆی جیاجیادا له به‌لووچستان، پێنج سووختبه‌ری به‌لووچ گیانیان له‌ده‌ستدا و كه‌سێكی دیكه‌ش به‌سه‌ختی برینداربوو.
به‌پێی ڕاپۆرته‌كان، به‌هۆی پێكدادانی دوو ئۆتۆمبێل له ڕێگای نێوان واش– دۆزاپ، دوو سووختبه‌ر گیانیان له‌ده‌ستداوه و كه‌سێكی دیكه‌ش به‌سه‌ختی برینداربووه و پاش ڕووداوه‌كه ڕه‌وانه‌ی نه‌خۆشخانه كراوه. هه‌روه‌ها له ڕێگای نێوان خاش– زاهیدان به‌هۆی ڕووداوێكی هاتووچۆوه دوو سووختبه‌ری به‌لووچ گیانیان له‌ده‌ستدا و كه‌سێكی دیكه‌ش برینداربووه كه‌ناسنامه‌ی دوو كه‌سیان بریتیه له: “عه‌بدۆلڕه‌ب په‌سكووهی” و كه‌سێك به‌ناوی “كه‌هرازی“. جێگای ئاماژه‌یه كه له ساڵی ٢٠٢١ی زاینیدا لاینكه‌م ٨٧ سووختبه‌ر به ته‌قه‌ی هێزه‌كانی ڕژیم یان به‌هۆی ڕووداوی هاتووچۆوه گیانیان له‌ده‌ستداوه كه سێ كه‌سیان میرمنداڵی ژێر ١٨ ساڵ بوون و زیاتر له ٣١ كه‌سی دیكه‌ش برینداربوون.