ڕۆژی هه‌ینی ١١ی مانگی سه‌رماوه‌ز، فڕۆكه‌كانی ده‌وڵه‌تی توركیا هێرشیان كرده سه‌ر ناوچه‌ی “شارباژێڕ” له هه‌رێمی كوردستان و به‌هۆیه‌وه هاووڵاتییه‌ك گیانی به‌ختكرد و دوو كه‌سی دیكه‌ش به‌سه‌ختی برینداربوون.
به‌پێی ڕاپۆرتی ڕێکخراوه‌ى “سى.پى.تى”، له بۆردومانى فڕۆکە جەنگیەکانى دەوڵەتى تورکیه بۆسەر شاخى “کێلە شین” لە سنورى “ماوەت” هاووڵاتییەک بەناوى “عەزیز محەمەد ڕەسوڵ” گیانی به‌ختكردووه و دوو هاووڵاتى دیکەش بە سەختى برینداربوون و سەرجەم قوربانیەکان خەڵکى گوندى “قامیش” لە سنورى شارباژێڕن.