ڕۆژی چوارشه‌ممه ١ی مانگی خاكه‌لێوه‌ی ١٤٠٣، سووختبه‌رێك له شارستانی ڕاسه‌ك به‌هۆی ڕووداوی هاتووچۆ گیانی له‌ده‌ست دا و دوو سووختبه‌ر له مێحوه‌ری سه‌راوان بۆ خاش به هه‌مان هۆكار به‌سه‌ختی بریندار بوون.
به‌پێی ڕاپۆرتی كه‌مپه‌ینی چالاكانی به‌لووچ، دوو سووختبه‌ر به پاشناوی “كه‌یخا” له مێحوه‌ری سه‌راوان بۆ خاش تووشی ڕووداوی هاتووچۆ بوون و پاش برینداربوون بۆ نه‌خۆشخانه گوازراونه‌ته‌‌وه. له‌لایه‌كی دیكه‌وه پاش ته‌قه‌ی یگانی ته‌گاوه‌ری جه‌كیگوور بۆ سه‌ر سووختبه‌ران و بڵاوبوونه‌وه‌ی گازۆئیل به‌سه‌ر جاده‌ی ئه‌و ناوچه‌یه، ئۆتۆمبێلی سووختبه‌رێك به ناوی “مۆبین ئه‌شره‌ف زهی نوور” وه‌رگه‌ڕاوه و ناوبراو گیانی له‌ده‌ست داوه.