به‌پێی ئاماره‌كانی تۆماركراو له ماڵپه‌ڕی كۆڵبه‌رنیووز، له ماوه‌ی یه‌ك مانگی ڕابردوودا سه‌رجه‌م ٤١ كۆڵبه‌ر له ناوچه سنوورییه‌كانی ڕۆژهه‌ڵاتی كوردستان له‌لایه‌ن هێزه ئه‌منییه‌كانه‌وه كوژراون یان به‌رینداركراون.
به پێی ئه‌و ڕاپۆرته، له كۆی ئه‌و ٤١ كۆڵبه‌ره شه‌شیان به‌ته‌قه‌ی ڕاسته‌وخۆی هێزه‌كانی ڕژیم گیانیان له‌ده‌ستداوه و ٣٥ كۆڵبه‌ری دیكه‌ش برینداركراون. له كۆی ئه‌و ٣٥ كۆڵبه‌ره برینداره‌ش، ٢٤ كه‌سیان به ته‌قه‌ی هێزه‌كانی ڕژیم برینداربوون و ٤ كۆڵبه‌ر به‌هۆی ته‌قینه‌وی مین و حه‌وت كۆڵبه‌ر به‌هۆی به‌ربوونه‌وه له‌به‌رزایی له كاتی ڕاوه‌دوونان له‌لایه‌ن هێزه‌كانی ڕژیمه‌وه برینداركراون. له‌و ڕێژه‌یه ٢٣ كه‌س له سنووری بانه، ١٤ كه‌س له سنووری نه‌وسوود و ٣ كه‌س له سنووری شنۆ و یه‌ك كه‌س له سنووری سه‌لاسی باوه‌جانی له‌لایه‌ن هێزه‌كانی ڕژیمه‌وه هێرشیان كراوه‌ته سه‌ر.