بەیانیی سێشەممە ١٠ی ڕەزبەر، لە شارەکانی جەکیگور، نیکشەهر و خاش لە بەلووچستان، هێرش کرایە سەر چەکدارانی سپای پاسداران، لەو هێرشانەدا چەند هێزی سپا کوژران و ژمارەیەکی دیکە بریندار بوون.
هەندێک زانیاریی باس لە کوژرانی لانیکەم شەش چەکداری سپا و برینداربوونی ژمارەیەکی دیکە دەکەن. ڕێكخراوی “حاڵ‌وەش” کە هەواڵەکانی تایبەت بە بەلووچستان ڕووماڵ دەکات، لەگەڵ بڵاوکردنەوەی دیمەنی ژمارەیەک لە کوژراو و بریندارەکانی سپای پاسداران و ئۆتۆمبیلە تێکشکاوەکانیان، ڕایگەیاندووە کە یەکێک لە کوژراوەکان فەرماندەیەکی خۆجێی سپای پاسداران بووە. شاینی باسه كه گرووپی “جەیشولعەدل” لە بەیاننامەیەکدا هێرشەکانی جەکیگور و خاشی لە ئەستۆ گرتووە.