به‌پێی هه‌واڵی گه‌یشتوو به كۆڵبه‌رنیووز، شه‌وی هه‌ینی ٢٨ی مانگی گه‌لاوێژ، هێزه‌كانی كۆماری ئیسلامی له سنووری “هه‌نگه‌ژاڵه”ی بانه كۆمه‌ڵێك كۆڵبه‌ریان داوه‌ته به‌ر ده‌ستڕێژی گولله و له ئاكامدا كۆڵبه‌رێك به‌ناوی “ڕه‌حیم مه‌حموودی” ته‌مه‌ن ٣٧ ساڵ گیانی له‌ده‌ستدا.
به پێی زانیارییه‌كان، “ڕه‌حیم مه‌حموودی” خه‌ڵكی گوندی “هه‌ورازه”ی بانه و دانیشتووی گوندی “كۆپیچی خوارۆ”یه وبه ته‌قه‌ی ڕاسته‌وخۆی هێزه‌كانی ڕژیم كوژراوه. جێگای ئاماژه‌یه كه له‌ماوه‌ی ٤٨ كاتژمێری ڕابردوودا دوو كۆڵبه‌ری به‌ناوه‌كانی “مه‌حموود عوسمانی” خه‌ڵكی گوندی “جه‌نگ سه‌ر”ی سه‌ر به شارستانی سه‌ڵماس و “ئامانج ئازه‌رپوور” خه‌ڵكی شارۆچكه‌ی “ساحیب”ی سه‌ر به‌شارستانی سه‌قز به‌هۆی ته‌قینه‌وه‌ی مین به‌سه‌ختی برینداربوون.