ڕۆژی شه‌ممه ٢٩ی مانگی گه‌لاوێژ، به‌هۆی پێكدادانی دوو ئۆتۆمبێلی سه‌واری له سه‌ر ڕێگای مهاباد- میاندووئاو، هاووڵاتییه‌ك گیانی له‌ده‌ستدا و پێنج كه‌سی دیكه‌ش به‌سه‌ختی برینداربوون.
به‌پێی ڕاپۆرته‌كان، دوو ئۆتۆمبێلی جۆری پژۆ و سه‌مه‌ند له میحوه‌ری مهاباد بۆ میاندووئاو پێكیانداداوه و به‌هۆیه‌وه هاووڵاتییه‌ك گیانی له‌ده‌ستداوه و پێنج كه‌سی دیكه‌ش به‌سه‌ختی برینداربوون كه ڕه‌وانه‌ی نه‌خۆشخانه كراون. شایانی باسه كه ڕۆژی هه‌ینیش له ڕووداوێكی دیكه‌دا له میحوه‌ری نه‌غه‌ده- پیرانشار ٨ كه‌س بوونه قوربانی كه سێ كه‌سیان خه‌ڵكی هه‌رێمی كوردستان بوون.