“ڕەزا نەزەریی کاکوەندی”، هونەرمەندی خەڵکی شاری هەرسین و دەرهێنەر، ئەکتەر و ئامادەکاری شانۆ کە ماوەیەک لەمەوبەر لەلایەن هێزە ئەمنییەکانەوە دەستبەسەر و دواتر بە دانانی بارمتە ئازاد کرابوو، چالاکیی هونەریی لێ قەدەغە کراوە.
به‌پێی ڕاپۆرته‌كان،”ڕەزا نەزەریی کاکوەندی” ڕۆژی پێنجشەممە، ٣٠ی خەرمانانی ١٤٠٢، لە شاری کەرەج لەلایەن هێزە ئەمنییەکانەوە دەستبەسەر و ڕۆژی ٨ی ڕەزبەر بە دانانی بارمتەی ٢ میلیارد تمەن و بە شێوەی کاتی لە زیندانی تارانی گەورە ئازاد کرا. ناوبراو ڕۆژی ١٣ی ڕەزبەری ١٤٠٢، لەلایەن وەزارەتی ئیرشادی حکوومەتی ئێرانەوە چالاکیی هونەریی لێ قەدەغە کرا و به‌هۆی نه‌خۆشی دڵه‌وه ئێستا لە بارودۆخێکی خراپی جەستەیی و ڕۆحی دایە.