جێگری چاودێری شوێنە گشتییەکانی شاری تاران بە ناردنی نووسراوێکی فەرمی بۆ ژووری سەندیکاکانی ئەم پارێزگایە، داوای چڕکردنەوەی چاودێری و مامەڵەکردن لەگەڵ ئەو سەندیکا و یەکە بازرگانییانەی کرد کە پابەندی حیجابی ئیجباری نابن.
بە پێی ئەم نامەیە کە کۆپییەکی ڕۆژی هه‌ینی بڵاو کرایەوە، ئەم فەرمانە بە پشتبەستن بە بڕیارنامەی ئەم دواییەی “ناوەندی حیجاب” و بە ئامانجی ڕێگریکردن لەوەی پێی دەوترێت بڵاوبوونه‌وه و پەرەپێدانی کولتوری حیجاب لەبەرنەکردن” ئاگاداری ژووری سەندیکاکانی تاران کراوە و لە درێژەی ئەم نامەیەدا، پشکنینی سەندیکاکانی “جلوبەرگ”، “قاوەخانەکان”، “كافه‌كان”، “چێشتخانەکان” و پیشەكانی دیکە لە ئەگەری بینینی کەسانی بێ حیجاب ڕووبه‌ڕووی ڕێكاری یاساییی ده‌بنه‌وه. فەرمانی چڕکردنەوەی چاودێری لەسەر شێوازی جلوبەرگی ژنان و کچان لە شوێنە گشتی و پیشەییەکان لەو دۆخەدایە کە یەکێک لە داواکارییە سەرەکییەکانی خۆپیشاندەران لە چەند مانگی ڕابردوودا مافی ئازادی جل و بەرگ بووە.