ژماره‌یه‌ك له چالاكوانانی ژنی دانیشتووی تاران له به‌یاننامه‌یه‌كدا، تیرۆركردنی گوڵستان تارا و هێرۆ به‌هائه‌دین له‌لایه‌ن ده‌وڵه‌تی توركیایان به توندی شه‌رمه‌زار كرد.
له به‌شێكی ئه‌و به‌یاننامه‌یه‌دا هاتووه، كوشتن و تیرۆركردنی ژنانی تێكۆشه‌ر و ئازادیخواز یه‌كه‌م جار نییه كه ئه‌نجام ده‌درێت و دوایین جاریش نابێت، ئه‌و ژنانه‌ی گیانیان بۆ گه‌یشتن به ئازادی و به‌رابه‌ری به‌خت ئه‌كه‌ن مۆمێك ده‌گرسێنن كه ڕووناكی به‌خشی داهاتووه. به‌و كارانه هیچ ده‌سه‌ڵاتێكی ناتوانێت ڕیشه‌ی شۆڕشی ژینا وشك بكات و خه‌باتی ژنانی ڕۆژهه‌ڵاتی ناوه‌ڕاست له ژێر ئاڵای ژن،ژیان،ئازادی به ئامانجێكی گه‌وره گرێ دراوه و هه‌تاوی ئازادی ژن ڕۆژ له دوای ڕۆژ گه‌شاوه‌تر ده‌بێت.