ڕۆژی دووشه‌ممه ٧ی ڕه‌شه‌مه، كرێكارانی گرووپی مللی فولادی ئه‌هواز بۆ سێهه‌مین ڕۆژی به‌رده‌وام له ناڕه‌زایه‌تی به جێبه‌جێ نه‌كردنی داخوازییه‌كانیان ده‌ستیان له‌كار كێشایه‌وه و مانیان گرت.
به‌پێی ڕاپۆرته‌كان، كرێكارانی گرووپی مللی فولادی ئه‌هواز ماوه‌ی سێ ڕۆژه له ناڕه‌زایه‌تی به له‌سه‌كار ده‌ركردنی هاوكاره‌كانیان ده‌ستیان له‌كار كێشاوه و داوای گه‌ڕانه‌وه‌یان بۆ سه‌ر كار ده‌كه‌ن. كرێكارانی فولاد هه‌روه‌ها خوازیاری به‌كرده‌وه‌ده‌رهاتنی گه‌ڵاڵه‌ی ڕیزبه‌ندی پیشه‌كان، هاوسانسازی حه‌قده‌ست، وه‌لانانی به‌ڕێوه‌به‌رانی ناكارامه، گۆڕانی گرێبه‌ستی كرێكارانی په‌یمانكاری بۆ قه‌راردادی، دابینكردنی ئیمكاناتی ڕیفاهی، بیمه و ته‌زمینی ئه‌منیه‌تی پیشه‌یی بوون.