ڕۆژی شه‌ممه ٢٥ی خاكه‌لێوه، هێلیكۆپته‌ره‌كانی سپای پاسداران به‌سه‌ر شاری نه‌غه‌ده به‌رده‌وام سووڕاونه‌ته‌وه و له شاری سنه‌وه كه‌ره‌سته‌ی قورسی نیزامی ڕه‌وانه‌ی سنووره‌كانی مه‌ریوان كراوه.
به‌پێی ئه‌و ویدیۆیانه‌ی به ده‌ستمان گه‌یشتووه، هێلیكۆپته‌ره‌كانی ڕژیم بۆ ماوه‌ی چه‌ند ساعه‌ت و به هۆكارێكی نادیار به‌سه‌ر شاری نه‌غه‌ده دا سووڕاونه‌ته‌وه و ترسیان به‌لای خه‌ڵكه‌وه ساز كردووه. له‌لایه‌كی دیكه‌وه هێزه نیزامییه‌كانی كۆماری ئیسلامی له شاری سنه‌وه كه‌ره‌سته‌ی قورسی نیزامیان به‌ره‌و سنووره‌كانی مه‌ریوان گواستۆته‌وه و هۆكاری ئه‌و جموجووڵه نیزامییه هێشتا ئاشكرا نه‌كراوه.