دۆناڵد ترامپ، سه‌رۆك كۆماری ئه‌مریكا، به واژۆ كردنی بڕیارێك، گه‌مارۆ ده‌خاته سه‌ر هه‌موو ئه‌و ناوه‌ند و شیركه‌تانه‌ی كه له هێنانی هێڵی گاز بۆ ئۆرووپا یارمه‌تی شیركه‌تی “گازپڕۆمی” ڕووسیه ده‌ده‌ن.
له ڕوانگه‌ی ده‌وڵه‌تی ئه‌مریكاوه، ئه‌و هێڵه گازه كه به “ده‌ماری باكوور” ناسراوه، ده‌بێته هۆی زیاتر بوونی نفووزی ڕووسیه له ئۆرووپا. شایانی باسه ئه‌م هێڵی گازه له ژێر ده‌ریاوه تێپه‌ڕ ده‌بێت و ده‌بێته هۆی به‌رزبوونه‌وه‌ی ئاستی هه‌نارده‌ی گازی ڕووسیه و ڕێگه به ده‌وڵه‌تی ڕووسیه ده‌دات كه گازی خۆی به وڵاتی ئاڵمان بفرۆشێت. جێگه‌ی ئاماژه‌یه كۆنگره‌ی ئه‌مریكا یاسای ئه‌م گه‌مارۆیه‌ی حه‌فته‌ی ڕابردوو له بوودجه‌ی نیزامی ئه‌م وڵاته‌دا گونجاندبوو.