وەزارەتی خەزێنەداری ئه‌مریکا بەهۆی هێرشە مووشەکییەکەی یەکی ئۆکتۆبەرەوە سزای نوێی بە سەر شیرکەت و نه‌وت هه‌ڵگره‌كانی سه‌ر به كۆماری ئیسلامی دا سەپاند.
سزا نوێیەکانی ئەمریکا کەرتی نەوت و پترۆشیمی ئێران دەگرێته‌وە و ئامانجیان چڕکردنەوەی گوشارە داراییەکانە بۆ سەر تارانه. ٣٩ شیرکەتی سه‌ر كۆماری ئیسلامی خراونه‌ته لیستی ڕەشی وەزارەتی خەزێنەداری ئه‌مریکا زیادکراون و ئەم شیرکەتانە لە وڵاتانی: مالێزی، هۆنگ‌کۆنگ، دوورگەکانی ماڕشاڵ، لیبێریا، هیندووستان، سورینام و ئێمارات بوونیان هەیە، هەروا ئەو کەشتیانەی کە بە ئاڵای وڵاتانی جوراجۆر لەگەڵ ئێران مامەڵە دەکەن ته‌حریم كراون.