به‌پێی ڕاپۆرته‌كان، “ناسر فەقیه عیسا” ئەندامی ڕێكخراوی مانگی سووری مەهاباد کە لە ڕەوتی شۆڕشی “ژن، ژیان، ئازادی”دا دەستبەسەر کرابوو، لەلایەن دادگای ئینقلابی ئه‌و شارەوه سزای ٧ ساڵ و شەش مانگ زیندانی بەسەردا سەپاوە.
“ناسر فەقیه عیسا” ئەندامی ڕێكخراوی مانگی سووری شاری مەهاباد، لەلایەن لقی ١٠١ی دادگای ئینقلابی ٢ی مەهاباده‌وه بە سەرۆکایەتیی قازی “سەجاد دێهقان زادە”، بە تۆمەتی “ڕاگرتنی فیشه‌كی ساچمه‌یی و جه‌نگی”، “تیمارکردنی بریندارەکانی شۆڕشی ژینا” و “هەوڵی تێکدانی ئاسایشی گشتی” سه‌رجه‌م سزای ٧ ساڵ و شەش مانگ بەندکردنی بەسەردا سەپاوە و ئەو سزایە لە بەندیخانەی مەهاباد بەفەرمی بە ناوبراو ڕاگەیەندراوە.