ڕۆژی دووشه‌ممه ١٨ی مانگی گوڵان، “عیباد حەبیبی” چالاکی مەدەنی خەڵکی سنە لەلایەن دادگای شۆڕشی ئەو شارەوە سزای یەک ساڵ بەندکرانی بەسەردا سەپێندرا.
بەپێی ڕاپۆرته‌كان، “عیباد حەبیبی” لەلایەن لقی یەکی دادگای ئینقلابی سنه‌وه بە سەرۆکایەتی “دادوەر سەعیدی” سزای یەک ساڵ زیندانی ته‌علیقی بەسەردا سەپێندرا. جێگای ئاماژه‌یه كه “عیباد حه‌بیبی” ساڵی ١٤٠١ی هه‌تاوی به بیانووی به‌شداری له مه‌راسمی به‌خاك سپاردنی “حه‌یده‌ر قوربانی” و به‌شداری له كۆبوونه‌وه‌كانی نه‌ورۆز له‌لایه‌ن ناوه‌نده ئه‌منیه‌تیه‌كانه‌وه ده‌ستبه‌سه‌ر كرابوو.