ڕۆژی پێنجشه‌ممه ٢٢ی مانگی به‌فرانبار، جه‌له‌سه‌ی دادگایی كردنی ٧ كه‌س له ده‌ستبه‌سه‌ركراوانی گوندی “پسوه”ی سه‌ر به ناوچه‌ی “لاجان”ی پیرانشار له دادگای ئینقلابی ئه‌و شاره به‌ڕێوه‌چوو و سزای زیندان به‌سه‌ریاندا سه‌پێندرا.
به‌پێی ڕاپۆرته‌كان، دادگای ئینقلابی پیرانشار “عه‌لی به‌خشوری” به ٨ ساڵ، “محه‌ممه‌د ئیبراهیمی” به ١٤ ساڵ، “ئیسماعیل ته‌جه‌لا” به ٣ ساڵ، “ئارام خالدی” به ٦ ساڵ و حه‌وت مانگ، “عه‌لی ڕه‌زا محه‌ممه‌دی ئه‌رشه‌د” به ٣ ساڵ، “ئێحسان گوڵابی” به ٨ ساڵ و “هیوا مه‌حموودی” به ٣ ساڵ زیندانی ته‌عزیری مه‌حكووم كردووه.