کۆمەڵە_رێكخراوی كوردستانی حیزبی كۆمونیستی ئیران
هه‌واڵه‌کان

سه‌پاندنی سزای زیندان به‌سه‌ر ١٠٨ چالاكی سیاسی كورد له‌ توركیا

ڕۆژی هه‌ینی ٢٧ی گوڵان، دادگای شاری ئیستانبوول سزای زیندانی به‌سه‌ر ١٠٨ی چالاكی سیاسی، نوێنه‌ری پاڕله‌مان و شاره‌دار و ئه‌ندامی پارتی دیمۆكراتیكی گه‌لان سه‌پاند و پارێزه‌رانی به‌ندكراوان به‌ وتنه‌وه‌ی دروشمه‌كانی “بژی به‌رخۆدانی زیندان” و “بژی به‌رخۆدانی كۆبانێ” له‌ ئاست ئه‌و نادادپه‌روه‌رییه‌ ناڕه‌زایه‌تیان دره‌بڕی.

به‌پێی ڕاپۆرته‌كان، “سه‌لاحه‌دین دمیرتاش” به‌ له‌به‌رچاوگرتنی ماوه‌ی به‌ندكرانی، به‌ ٢٨ ساڵ و شه‌ش مانگ زیندانی دیكه‌ سزا دراوه‌. هه‌روه‌ها “فیگن یۆكسه‌كداغ” به‌ ٢٧ ساڵ و شه‌ش مانگ، “ئه‌حمه‌د تورك” به‌ ده‌ ساڵ و شه‌ش مانگ، “نه‌زمی گۆر” به‌ ٢٢ ساڵ و شه‌ش مانگ، “په‌روین ئۆدجونجوو” به‌ ٢٢ ساڵ و شه‌ش مانگ، “گۆنه‌ی كۆبیلای” و “ئیسماعیل شه‌نگول” هه‌ر یه‌كه‌و به‌ ٢٠ ساڵ و شه‌ش مانگ، “بولنت پارماكسز” به‌ ٢٣ ساڵ، “ئه‌مینه‌ ئاینا” به‌ ده‌ ساڵ، “گۆلته‌ن كشاناك” به‌ ١٢ساڵ و “سه‌باحه‌ت تونجه‌ل” به‌ ١٢ ساڵ زیندان سزا دراون. ڕۆژی ڕابردوو سێ كه‌س له‌و به‌ندكراوانه‌ پاش ته‌واوبوونی ماوه‌ی به‌ندكرانیان له‌ زیندان ئازاد كراون. زۆربه‌ی ئه‌و به‌ندكراوانه‌ له‌ پاییزی ساڵی ٢٠١٦ و پاش كۆده‌تاكه‌ی ئه‌ردۆغان له‌ زیندان دان و هه‌ر جار ماوه‌ی به‌ندكرانیان درێژه‌ ده‌كرێته‌وه‌.

بابەتی پەیوەندیدار

ده‌ستبه‌سه‌ركردنی شارومه‌ندێك له‌ دیوانده‌ره‌

-

گواستنەوەی هاووڵاتییەکی بەساڵاچوو بۆ زیندانی نەغەدە

-

ئاگردانی ژنێك له‌لایه‌ن هاوژینه‌كه‌یه‌وه‌ له‌ پیرانشار

-

برینداربوونی ١٠ كه‌س به‌هۆی ئاگرگرتنی پاڵاوگه‌ی نه‌وتی هه‌ولێر

-

ده‌ستبه‌سه‌ركردنی ٧ شارومه‌ند له‌ باكووری كوردستان

-

ناڕه‌زایه‌تی شۆفێرانی بارهه‌ڵگر له‌ ئه‌رده‌بیل

-