“دادگای ئینقلابی ئه‌هواز ده‌رمان ناسێكی خه‌ڵكی شارستانی شووش، به ناوی “سه‌ید مالك موسه‌وی” به ئێعدام مه‌حكووم كردووه.
“سه‌ید مالك” خه‌ڵكی شارۆچكه‌ی “شائوور” له نزێكی شارستانی شووشه و دوو ساڵ له‌وه‌به‌ر هاوڕێ له‌گه‌ڵ “عه‌باس خه‌زره‌جی” ده‌ستبه‌سه‌ر كرابوو. ئه‌و دوو شارومه‌نده عه‌ره‌به پاش ئه‌شكه‌نجه له به‌ندی تاكه‌كه‌سی بۆ زیندانی شه‌یبانی ئه‌هواز گوازرانه‌وه. دادگای ئینقلابی ئه‌هواز “سه‌ید مالك”ی به تۆمه‌تی موحاره‌به له‌گه‌ڵ خودا به ئێعدام مه‌حكووم كردووه و “عه‌باس خه‌زره‌جی” به تۆمه‌تی “هاوكاری له تێكدانی ئاسایشی وڵات” به ١٠ ساڵ زیندان سزا داوه.