کۆمەڵە_رێكخراوی كوردستانی حیزبی كۆمونیستی ئیران
كوردستانهه‌واڵه‌کان

سه‌پاندنی حوكمی “افساد فی الارض” به‌ سه‌ر “ڕه‌فێق سه‌لیمی” له‌ سنه‌

سه‌پاندنی حوكمی افساد فی الارض به‌ سه‌ر ڕه‌فێق سه‌لیمی له‌ سنه‌

به‌پێی هه‌واڵی گه‌یشتوو، “ڕه‌فێق سه‌لیمی” چالاكی كرێكاری به‌ندكراو له‌زیندانی ناوه‌ندی سنه‌ ڕۆژی یه‌كشه‌ممه‌ ٢٧ی خاكه‌لێوه‌ له‌لایه‌ن دادستان “نه‌قی زاده‌” به تۆمه‌ته‌كانی‌ “ڕێكخستنی گرووپی نایاسیی” و “هه‌وڵدان بۆ تێكدانی ئه‌منیه‌تی گشتی” به‌ “افساد فی الارض” مه‌حكووم كراوه‌.

“ڕه‌فێق سه‌لیمی” چالاكی كرێكاری شاری سنه‌ له‌ ڕێكه‌وتی ٧ی سه‌رماوه‌زی ساڵی ڕابردوو له‌لایه‌ن ناوه‌نده‌ ئه‌منیه‌تیه‌كانه‌وه‌ ده‌ستبه‌سه‌ر و ڕاگوێزی زیندانی ناوه‌ندی سنه‌ كرابوو. ڕۆژی یه‌كشه‌ممه‌ بانگهێشتی دادگای گشتی و ئینقلابی سنه‌ كرا و “ته‌فهیم ئیتهام” بوو. ناوبراو ته‌واو ئه‌و تۆمه‌تانه‌ی خراونه‌ته‌ پاڵ دۆسیه‌كه‌ی ڕه‌ت كردۆته‌وه‌ به‌ڵام ڕژیمی سه‌ركوتگه‌ر ده‌یه‌وێت له‌ ڕێگه‌ی سه‌پاندنی حوكمی “افساد فی الارض” به‌ سه‌ر ئه‌و چالاكه‌ مه‌ده‌نیه‌ له‌سێداره‌ی بدات و ئێستا گیانی له‌ مه‌ترسی جیددی دایه‌.