کۆمەڵە_رێكخراوی كوردستانی حیزبی كۆمونیستی ئیران
كوردستان

سه‌پاندنی حوكمی ئێعدام به‌سه‌ر “سامان یاسین” له‌لایه‌ن ده‌زگای قه‌زایی ڕژیمه‌وه‌

سامان یاسین (سەیدی)، هونەرمەندی خەڵکی کرماشان لەلایەن لقی ١٥ی دادگای ئینقلابی تارانه‌وه‌، بە سەرۆکایەتیی دادوەر “سەڵەواتی” بە تۆمەتی “موحاربە” بە ئێعدام مەحکووم کرا.

به‌پێی ڕاپۆرته‌كان، ئەو حوکمە لە ماوەی ڕۆژانی ڕابردوودا، بە سەر ئەو هونەرمەندەدا، سەپاوە و دۆسییەکەی ڕەوانەی دیوانی باڵای وڵات، کراوە. ڕۆژی چوارشەممە ١٦ی سەرماوەز، دایکی “سامان یاسین” بە بڵاوکردنەوەی گرتە ڤیدیۆیەک، ڕوو لە خەڵک و ناوەندەکانی مافی مرۆڤ، خوازیاری پشتیوانی لە کوڕەکەی و هەوڵدان بۆ هەڵوەشاندنەوەی حوکمی لەسێدارەدانی سامان بوو. جێگای ئاماژه‌یه‌ كه‌ “سامان یاسین” لەو دادگایەدا بە “موحاربە لە ڕێگای تەقەکردن بە دەمانچە و  چەکی ژ٣” و “کۆبوونەوە و تەبانی بە مەبەستی ئەنجامدانی تاوان لە دژی ئەمنییەتی میللی” تۆمەتبار کراوه. ئەمە لە کاتێکدایە کە بەپێی ئەو فیلمە کە لە دادگا بڵاو کراوەتەوە، سامان ڕوو لە دادوەر دەڵێت ئەو تەنیا “تفەنگ بادی” هەیە و هیچ تاوانێكی ئه‌نجام نه‌داوه‌. سامان یاسین لە ڕێکەوتی ١٠ی ڕەزبەر، لە پەیوەندی لەگەڵ خۆپێشاندانە سەرتاسەرییەکان لە شاری تاران دەستبەسەر کرابوو.

بابەتی پەیوەندیدار

هۆشداری كۆنفدراسیۆنی جیهانی خۆراك سه‌باره‌ت به‌ دۆخی ته‌ندرووستی “عوسمان ئیسماعیلی”

-

تێكهه‌ڵچوونی خه‌ڵكی ورمێ له‌گه‌ڵ گه‌شتی ئێرشاد

-

به‌ڕێوه‌چوونی مه‌راسمی چله‌ی “عه‌تا حسێنی” كۆڵبه‌ری گیانبه‌ختكردوو له‌ پاوه‌

-

كوژران و برینداربوونی دوو كه‌س به‌هۆی تێكهه‌ڵچوونی چه‌كداری له‌ مهاباد

-

برینداربوونی كۆڵبه‌رێك له‌ سنووری ته‌ته‌ی هه‌و‌رامان

-

كۆبوونه‌وه‌ی خانه‌نشینكراوانی موخابرات له‌ شاره‌كانی كوردستان و ئێران

-