ڕۆژی سێشه‌ممه ٨ی مانگی سه‌رماوه‌ز،”موحەممەد شیاع سوودانی”، سەرۆكوەزیرانی عێراق بۆ دانیشتن له گه‌ڵ كۆماری ئیسلامی گەیشتە تاران پایتەختی ئێران.
به‌پێی ڕاپۆرته‌كان، “محەممەد شیاع سوودانى،لە كۆشكی سەعدئابادى کولتوورى و مێژوویی لە تاران لەگەڵ ئیبراهیم رەئیسی، سەرۆککۆمارى ئێران کۆدەبێتەوە و لەو سەردانەدا “سوودانى” یاداشتنامەیەک بۆ پەرەپێدانى هاریکارى نێوان “تاران” و “بەغدا” لەگەڵ بەرپرسانى کۆمارى ئیسلامیی واژوو دەکات. سەردانەکەی سوودانی بۆ تاران دوای کۆبوونەوەی شەوی ڕابردووی هاوپەیمانیی بەڕێوەبردنی دەوڵەتی عێراق دێت کە بە گوێرەی ڕاگەیێندراوی کۆبوونەوەکە جەخت لە پاراستنی سەروەریی عێراق و نەکردنە ئامانجی وڵاتانی دراوسێ لە رێگەی خاکی عێراقەوە کراوەتەوە.