ڕۆژی پێنجشه‌ممه ١٠ی ڕه‌شه‌مه، به‌ندكراوانی زیندانی خۆی له ئاست دابین نه‌كردنی ده‌رمان و پزیشك ناڕه‌زاه‌یاتیان ده‌ربڕی و له‌لایه‌ن گاردی زیندانه‌وه درانه به‌ر لێدان و سه‌ركوت كران.
به‌پێی ڕاپۆرتی كانوونی مافی مرۆڤی ئێران، به‌رپرسانی زیندانی خۆی به‌ندكراونیان له ده‌ستڕاگه‌یشتن به پزیشك و ده‌رمان بێبه‌ش كردووه و به‌ندكراوان له ئاست هه‌ڵسووكه‌وتی نامرۆڤانه‌ی به‌رپرسانی زیندان ناڕه‌زایه‌تیان ده‌ربڕیوه. به‌پێی ئه‌و ڕاپۆرته، مه‌ئموورانی ئه‌منیه‌تی زیندان و ئه‌فسه‌رانی گارد به باتۆم و گازی فرمێسكڕێژ ڕژاونه‌ته نێو به‌ندكه‌كان و زیندانیان داوه‌ته به‌ر لێدان و چه‌ند كه‌سیان بریندار كردووه.