به‌پێی هه‌واڵی گه‌یشتوو، ڕۆژی هه‌ینی ١٨ی مانگی خاكه‌لێوه، بنه‌ماڵه‌ی كۆمه‌ڵێك له گیانبه‌ختكردووانی ڕێگای ئازادی له شاره‌كانی بۆكان و مهاباد سه‌ردانی گڵكۆی “مهران ڕه‌حمانی”یان كرد له گوندی “قاڵۆ” و په‌یمانیان له‌گه‌ڵ ئاواته‌كانی نوێ كرده‌وه.
به‌پێی ئه‌و ڕاپۆرته، بنه‌ماڵه‌ی گیانبه‌ختكردووانی ڕێگای ئازادی و به‌رابه‌ری له شاره‌كانی بۆكان و مهاباد له چالاكییه‌ك دا سه‌ردانی بنه‌ماڵه و گڵكۆی گیان فیدای ڕێگای ئازادی “مهران ڕه‌حمانی”یان كرد له گوندی “قالۆ”ی سه‌ر به شاری مهاباد و وێڕای ڕێزلێنان له یادی ته‌واوی قوربانیانی شۆڕشی “ژینا” په‌یمانیان له‌گه‌ڵ ئاواته‌كانیان نوێ كرده‌وه.