لە کاتێکدا دە هەزار کەس لە خوازیارانی خانووبەرە لە شاری سنە، دوای تۆمارکردنی ناو و پهرداختی تێچووی سەرەتایی، چاوەڕێی دەستپێکردنی پڕۆژهكه بوون، شارەوانی داوای ٥٥ ملیۆن تمهنی دیكهیان لێ دهكات.
بهوتهی ناڕازیان، هەریەکە بڕی ٤٠ میلیۆن تمەنیان بۆ هەڵکەندنی زهوی و ئامادەکردنی خانووەكان پهرداخت كردووه، بەڵام تا ئێستا هیچ ڕێوشوێنێک نەگیراوەتەبەر. “جەھانگیر ئەلیاسی”، بەڕێوەبەری گشتیی ڕێگاوبانی سنە بە داواکارانی ڕاگەیاندووە: شارەوانی سنە توانای خەرجکردنی بودجه و پاداشتی جێژنی فەرمانبەرانی خۆی نییە. ناوبراو بە جەختکردنەوە لەسەر پشتیوانیی خۆی بۆ ڕاگهیاندنهكهی ٢١ی ڕێبەندان، سەبارەت بە دانی پارە لەلایەن داواکارانەوە بە بڕی ٥٥ میلیۆن تمەن وتی: ئەم کارە وەك هاوكاریی بە شارەوانی وایە. داواكردنی ئهو بڕه پارهیه لە کاتێکدایه كه سەرەتاییترین قۆناغەکانی ئهو پڕۆژهیه تەواو نەکراوە.