به‌پێی ڕاپۆرتی شۆرای ڕێكخستنی ناڕه‌زایه‌تی كرێكارنی سه‌نعه‌تی نه‌وت، باروودۆخی ته‌ندرووستی كرێكارانی نه‌وت به‌هۆی گه‌رمای سه‌رووی ٥٠ پله‌یی دا خراپه و به‌رپرسانی ڕژیم هیچ بایه‌خێك به ته‌ندرووستی كرێكاران ناده‌ن.
به وته‌ی به‌رپرسانی ڕژیم، شه‌پۆلێكی گه‌رما ئێرانی گرتووه‌ته‌وه و ڕێژه‌ی مه‌سره‌فی به‌رق به تایبه‌ت له ناوه‌ند و باشووری ئێران ڕیكۆردی تازه‌ی تۆمار كردووه. هه‌ر به‌و بۆنه‌وه به‌رقی ئیدراه ده‌وڵه‌تیه‌كانیان بڕیۆه و ناوه‌نده سه‌نعه‌تییه‌كان ڕۆژانه له‌گه‌ڵ چه‌ند ساعه‌ت بڕانی كاره‌با به‌ره‌وڕوو بوونه‌ته‌وه. گه‌رمای بێ وێنه‌ی هاوێنی ئه‌مساڵ ته‌ندرووستی كرێكارانی خستووه‌ته مه‌ترسیه‌وه و به‌رپرسانی ڕژیم و به‌ڕێوه‌به‌رانی شیركه‌ته په‌یمانكارییه‌كان، له دابینكردنی ئیمكاناتی ڕیفاهی بۆ كرێكاران خۆ ده‌بوێرن و ئه‌گه‌ر كرێكارێك نه‌چێته سه‌ر كار، بێكار ده‌كرێت.