کۆمەڵە_رێكخراوی كوردستانی حیزبی كۆمونیستی ئیران
هه‌واڵه‌کان

دۆخی خراپی ته‌ندرووستی “عوسمان ئیسماعیلی” له‌زیندانی سه‌قز

“عوسمان ئیسماعیلی” چالاكی كرێكاری خۆشناوی شاری سه‌قز ماوه‌ی ٧٣ ڕۆژ له‌ حوكمی ١٦ مانگ زیندانی له‌ به‌ندیخانه‌ی ئه‌و شاره‌ تێپه‌ڕ ده‌كات، به‌ڵام وێڕای دۆخی خراپی ته‌ندرووستی، به‌رپرسانی زیندان له‌ گواستنه‌وه‌ی بۆ نه‌خۆشخانه خۆده‌بوێرن.

“عو‌سمان ئیسماعیلی” تووشی نه‌خۆشییه‌كانی فه‌تق، هه‌ناسه‌ته‌نگی، ڕۆماتیسم و دڵه‌ به‌ڵام به‌رپرسانی زیندانی سه‌قز سه‌ره‌ڕای بڕیاری پزیشكان بۆ به‌سته‌ریكردنی له‌ نه‌خۆشخانه‌ی ده‌ره‌وه‌ی زیندان، ئه‌و چالاكه‌ كرێكارییه‌یان له‌ ده‌ستڕاگه‌یشتن به‌ ده‌رمان بێبه‌ش كردووه‌. كۆمیته‌ی به‌رگری له‌ “عوسمان ئیسماعیلی” پێشتر له‌ چه‌ند به‌یاننامه‌دا سه‌باره‌ت به‌ دۆخی ته‌ندرووستی ئه‌و چالاكه‌ كرێكارییه‌ هۆشداری دابووه‌ به‌رپرسانی ئه‌منی و قه‌زایی سه‌قز و ڕایگه‌یاندبوو كه‌ پاراستنی ته‌ندرووستی “عوسمان ئیسماعیلی” له‌ ئه‌ستۆی ئه‌وان دایه‌. “عوسمان ئیسماعیلی” پێشتر له‌لایه‌ن لقی یه‌كی دادگای ئینقلای سه‌قز به‌ تۆمه‌تی “ئه‌ندامه‌تی له‌ كۆمه‌ڵه‌” به‌ ٣١ مانگ و ١٥ ڕۆژ زیندانی ته‌عزیزی و به‌ تۆمه‌تی “ته‌بلیغ دژی نیزام له‌ڕێگه‌ی به‌شداری له‌ مه‌راسمی ناشتنی ته‌رمی ژینا ئه‌مینی” به‌ ٧ مانگ و ١٥ ڕۆژ زیندان مه‌حكووم كرابوو.

بابەتی پەیوەندیدار

هێرشی هێزه‌كانی حكوومه‌ت بۆ سه‌ر به‌ندكراوانی سیاسی و بیرمه‌ند له‌ زیندانی ورمێ

-

دیوارنووسی و په‌یامی بنه‌ماڵه‌ی دادخوازان و چالاكانی كرێكاری بۆ بایكۆتی هه‌ڵبژاردنه‌كان

-

دیداری بنه‌ماڵه‌ی دادخوازان له‌ سه‌روبه‌ندی هه‌ڵبژاردنه‌كانی مه‌جلسی ڕژیم

-

كوژران و برینداربوونی چه‌ندین كه‌س له‌ هێرشی په‌هبادی توركیا بۆ سه‌ر ڕۆژئاوای كوردستان

-

كۆبوونه‌وه‌ی بنه‌ماڵه‌ی قوربانیانی كه‌شتی سانچی له‌ شومالی تاران

-

مانگرتنی كرێكارانی كارخانه‌ی ماشین‌سازی له‌ ته‌ورێز

-